سنين وأنا بستناه ولما رجع
ماشية جنبه بكل ثقة
لابسة لبس غالي عطرها مالي المكان
وهو
ما بصليش حتى!
بصلي كأني مش مراته
كأني حد عابر
قال
دي مراتي وهنعيش كلنا هنا بالمعروف
رديت هتعيشوا فين
قال
في بيتنا الكبير الدور التاني ليها والتالت ليكي
قلتله بيت مين
قال
بتاعي
ابتسمت ساعتها ابتسامة صغيرة فيها كل وجع الدنيا
وقلتله لأ مش بتاعك البيت ده باسمي
وشه اتبدل
عنفه الشيطان وصرخ وقال
إنتي مجنونة!
قلتله لا بس اتعلمت
اللي يخاف على تعب عمره مش مجنون
من يومها بدأ الجحيم الحقيقي
كل العيلة اتقلبت عليا
حماتي بقت بتشتمني
وسلفي بيقول دي طلعت طماعة عايزة تاخد كل حاجة
وأنا كنت ساكتة
مش عشان ضعيفة
بس علشان خلاص وجعي خلاني مش حاسة بشيء
في يوم جالي هو وشه مليان غضب
قال
إنتي خلصتي عليا أنا هطلقك وهشوفك هتعيشي إزاي!
قلتله
طلقني بس متنساش تقول للناس إنك سبت مراتك اللي استحملت سنين علشانك
واتجوزت غيرها وسرقت بيتها
سابني وخرج
ومن يومها اتقطعت العلاقة
السنين اللي بعدها كانت أصعب وأجمل سنين في حياتي
أصعب علشان شلت كل حاجة لوحدي
وأجمل علشان اتعلمت يعني إيه أعيش لنفسي
اشتغلت
عملت مشروع صغير
كنت بعمل مخللات في البيت وأبيعها
وبعدين فتحت محل خضار صغير
ولما ربنا وسع بقيت بشتري وأبيع في السوق
كنت برجع آخر النهار ريحتي عرق وتعب
بس كنت بضحك
لأن التعب المرة دي لحسابي أنا
ولادي كبروا
ابني بقى شاب محترم
وبنتي جميلة زي القمر
كل مرة تبصلي تقول
يا ماما أنا فخورة بيكي
وكل مرة كنت أرد
كفاية الكلمة دي دي بتنسيني سنين الوجع
في يوم كنت في السوق
قابلت جارة قديمة
قالتلي
سمعتي مرات جوزك التانية سابته وسرقت دهبه وفلوسه!
مافرحتش
بس قلبي قال ربنا مش بينسى حد
بعد سنة رجع يكلمني
كان صوته واطي ومكسور
أنا غلطت سامحيني وخلينا نرجع لبعض
قلتله سامحتك بس مفيش رجوع
أنا خلاص مش الست اللي سبتها من عشر سنين
أنا بقيت واحدة تانية
قال انتي قاسية!
قلتله أنا اتعلمت القسوة منك
ومن يومها سابني في حالي
عدى الوقت
بنتي اتجوزت وابني اشتغل
وأنا بقت لي كرامة واسم في البلد
الناس بقت تقول
الست دي قوية ماخافتش وما انهارتش
لكن محدش يعرف إن قوتي دي اتبنت على حطام قلب
كل ما أقعد لوحدي في آخر الليل
أفتكر الأيام القديمة
وأقول
يا رب أنا كنت ضعيفة
بس انت قويتني
دلوقتي لما حد يسألني
لو رجع الزمن كنتي هتعملي إيه
أقول
كنت هسيبه من أول وجع
بس كنت هعيش زي ما عشت بعده بكرامتي
أنا مش ظالمة
ولا أنانية
ولا خدت أكتر من حقي
أنا ست اتكسرت
واتعلمت إزاي أقف من تاني
ست فهمت إن الكرامة أهم من الحب
وإن الصبر لو طال
لازم ييجي يوم يتحول فيه لقوة
اللي بيقولوا عليا قاسية
ما يعرفوش إن القسوة ساعات بتبقى درع يحمي القلب من الانكــ,سار التاني
واللي بيقولوا ظالمة
مايعرفوش إن الظلم الحقيقي هو إنك تفضل ساكت على الوجع
أنا مش ضحية
أنا ناجية
نجيت من كذب من حياة نصها وجع ونصها انتظار
تفتكروا لو كنتوا مكاني
كنتوا هتعملوا إيه
كنتوا هتحموا نفسكم زيي
ولا كنتوا هتستحملوا أكتر
