قصة سر زوجتي كتابة حماده هيكل
انا بعيش أسعد أيام حياتي حرفيا بعد ٤ سنين تعب ومعافرة ..أخيرا اتجوزنا ..انا وآيه حياتي أكتر انسانه وقفت جنبي وأتحملتني وكانت بتدعمني باستمرار ..كل ما كنت ايأس ..أشوف ضحكتها بس ترجع الامل وتديني طاقة اهد الدنيا عشانها أتخطبنا من سنه ونص ..حصلت مشاكل كتير بسبب أهلها ..عشان ظروفي الصعبة بس هي
كانت بتقولي مش عاوزه حاجه من الدنيا غير اننا نبقى لبعض معلش أستحمل انا بنتهم الوحيده ونفسهم يطمنوا عليا
وياسيدي لو حصل ايه انا ليك انت وبس
واتحملت وصبرت وربنا عوض صبري خير
شهر العسل فات بسرعه الصىاروخ .
ماهو دا الطبيعي كل حاجه حلوه بتخلص بسرعه د
بس انا وهي اتفقنا أن حياتنا كلها هتبقى شهر عسل
مهمها واجهنا من مشـ,ـاكل وصعوبات
طالما اننا مع بعض يبقى كله هيهون
من أسبوع كنت راجع متأخر من بره
ولقيتها نايمه .
اسفه يا حبيبي انا تعبت شوية النهارده
ومقدرتش أجهز عشا
ولا يهمك يا روحي ..الف سلامه ليكي
مالك بس
مش عارفه حسيت بشوية دوخه كدا
اوعي يكون اللي ف بالي !
لا أطمن عملت اختبار حمل ومفيش حاجه
وبعدين احنا اتفقنا مش هنخلف قبل سنه من جوزانا
طيب تمام ايه رايك نطلب دليفري
ماشي يا حبيبي اللي تشوفه
طيب نطلب ايه
اممم مش عارفه
انا لقيت أعلان لمطعم جديد ملزوق على أزاز عربيتي
لما نزلت من الشركه
ايه رأيك نجرب أكلهم ..عاملين تخفيضات بمناسبة الأفتتاح
خلاص ماشي يا روحي
طيب انا هاخد دش وأطلبي انتي الاكل .دي الورقة وعليها ارقام المطعم
دخلت أخد شاور ..ومراتي طلبت الأكل
ولما خرجت لقيت الأكل وصل
قعدنا ع السفرة ..عشان نتعشى
الأكل كان لذيذ وكمان مش غالي مقارنة بمطاعم تانية
وانا باكل لاحظت انا ايه فيها حاجة
مالك يا روحي
…
ايه في ايه !!
بتقول حاجة يا عمر
انتي مش هنا خالص في ايه يا قلبي
لا مفيش ..بس ..بس اصلي لسه حاسه بدوخه وزغلله
طيب تحبي ننزل نكشف
لا لا مش مستاهلة انا محتاجه راحه وهبقى كويسه
طيب يا حبيبتي كملي اكل
لا انا شبعت الحمدلله ..هقوم اعملك الشاي
فيها حاجة مش طبيعية ..بس مش عارف ايه هي
انا مش هتهوه عن مراتي
فات يوم والتاني وايه لسه متغيرة
يا حبيبتي احكي لي مالك فيكي ايه
برضو مفيش ..نفس الإجابة وبتتهـ,ـرب مني
أخدتها وكشفت ليها وعملت تحاليل وفحوصات
والحمدلله مفيش حاجة
ساكته ومسهمه وسرحانه ..في حاجة مخبياها عني
حاولت كتير أعرف منها في ايه
وبتقولي مفيش ..بتحاول تخبي عني
بس قلقها وخۏفها واضح رغم انها بتحاول تبان طبيعية
في ليلة بتقلب وبحط ايدي جنبي ..ملقتهاش في السىرير
قلقت وقومت ..وخرجت من الأوضة بهدوء
لقيتها بتكلم حد في الموبايل
وبتقوله أرجوك ..اب.وس ايدك انا ست متجوزه
ومش عاوزه فضـ,ـايح
…
عشان خاطري انساني
واحنا اخوات
. ..
بس انا مش هقدر احون جوزي ..بلاش تخىرب عليا
لسه هخرج أواجهها ..لقيتها فضلت ټعيط
وقفلت الفون وبتحاول تكتم بكاؤها
عشان محسش ..رجعت بسرعه على السىرير
وتظاهرت اني لسه نايم
دخلت ونامت جبنبي بهدوء..عشان متصحنيش
كنت سامع صوت نفسها وهي بتنهج وبتعيط
مديت ايدي عشان اطبطب عليها
واحتويها في حضڼي
واقولها مالك ..لكني
تراجعت في اخر لحظه
وقولت خليها تيجي منها وتحكي لي لوحدها
صحيت الصبح لقيتها محضره لي فطار
متكلمناش كتير ..بس في نظرة حزن في عيونها
نفسي تتكلم وتقول ..بس مقالتش حاجه
نزلت الشغل ولما رجعت بعد المغرب
لقيتها واقعه ع الأرض في الصالة وقاطعه النفس
جريت عليها بسرعه شيلتها ودخلتها سىريرها
حاولت افوقها لكن مفيش
أخدتها بسرعه على أقرب مستشفى
وبعد ما فاقت ما حكتش اي حاجه
كانت ساكته ومش بتتكلم خالص
خير يا دكتور ! هي مالها
واضح انها اتعرضت لصـ,ـدمه عصبية حادة
دخلتها في حالة أكـ,ـتئاب ..وحاليا هي محتاجه
راحه في المستشفى لكام يوم
طيب حضرتك هي فيها اي شئ عىضوي
لا هي تمام ..الضغط والسكر ونبضات القلب مظبوطين
لكن الموضوع نفسي ..هو ايه اللي زعلها للدرجه دي
الموضوع انه….
