جوزي اختي
جوزي اختي طول فترة جوازهم كان مطفحها وقىارفها في عيشتها وكانت دايما بتشتكي منه بس خلاص هي دلوقتي في دار الحق ،وحق ربنا يا استاذه غاده كانت معاها دهب من قبل جوازها هم مش كتير بس دلوقتي حيعملوا مبلغ محترم واكيد الناس على صفحتك ازواج لكن سعداء عارفين قيمة الدهب دلوقتي واختي كانت مأمنه بنت خالي على دهبها وتقريبا حطاه عندها لأنهم كانوا ساكنين في نفس الشارع اما ماتت وهي تعتر صغيره في الأربعينات العيله كلها حزنت عليها والدنيا كلها والله لانها كانت محبوبه من الكل سابت ولد وبنت وبعد الوقاة بكام
شهر بنت خالي سافرت عند جوزها بتقعد عنده شهرين تلاته وترجع قالت لخالي على حوار الدهب اللي كانت اختي شيلاه عندها ،عارفه انك حتقوليلي طب ما شلتهوش عندك ليه لاني انا عايشه في محافظه تانيه واختي كانت بتتزين بالدهب ده كل فترة بعيد عن عين جوزها وأهله المهم خالي قال لبنته اما ترجعي بالسلامه نبقى نشوف حوار الدهب ده ،وبعد كام شهر بنت خالي رجعت وحكولي وانا الصراحه مبحبش جوز اختي ده لانه كان قاهر اختي ومش عايز اقول انه سبب في موتها لان الموت بايد ربنا وده عمرها قولتلهم بلاش تدوله الدهب خلو معاكم أو معايا لغايه ما العيال تكبر بس خالي قالي انا حتصل واشوف الدنيا ايه كلم جوز اختي وقاله تعالى عندي في امانه حديهالك قالوا امانه ايه قالوا ملكش فيه قام زاعق وغلط في خالي جامد راح خالي حالف لا يعمل عمله يندمه عليها باع الدهب كله وراح حاطت نص الفلوس وديعه للعيال والنص التاني اشترى ليهم حاجات
كتيره ليهم وطالب مني اعرف جوز اختي باللي عمله انا كلمته زعق معايا وقال حرام عليكم يبقى عند مراتي دهب ومعرفش ولسه فاكرين بعد ما عدى ش.هور تقولولي لا وكمان روحتوا بعتوه وحطيته الفلوس وديعه للأولاد ومحدش يقدر يفكها وانتم فاكرني ايه جوز امهم انا عايز دهب مراتي كله وبحاله وانا حر اتصرف فيه قولتله مش كفايه كنت وحىش معاها قالي وانتي مالك ده حقي وحق ولادي قولتله وانت من امتى تعرف الولاد قالي خلاص تعالى شيلي الشيله كلها وخدي عيال اختك عندك طالما بتحكموا اوي كده طبعا جوزي عرفي وزعقلوا وقالي ملكيش دعوة ده ابوهم وخالك ده غلطان واحنا مش عارفين نتصرف ازاي وخالي معهوش فلوس يشترى بيهم الدهب اللي باعوه وجوز اختي قالب الدنيا وعايز يعمل محضر لخالي انه خبى عنه الورث بتاعه من مراته وقالوه حرام عليك ده انت حتى مأخدتش رأي في حاجات مراتي ما يمكن كنت اسبهم واهو حاجه من ريحه مراتي شوروا عليه يا أهل الخير يا أهل ازواج لكن سعداء اعمل ايه في المشكله دي وتخلص ازاي
