عزومة على الغدا

انا الام اللي حتحكي مش,,كله بنتها وححكيها من وجه نظري انا ولو انا فعلا مكبره الموضوع او اني غ,,لطانه قولولي انا حتقبل منكم لاني بتابع صفحتكم ازواج لكن سعداء ،وبشوف ردود الناس هنا قمه في الاحترام ،انا ربنا كرمني ببنتي ربتها على الادب والاخلاق هي واخواتها والله الجميع بيشهد بكده مش عشان هي بنتي لا عشان هي فعلا كده كبرت ودخلت

كليه حقوق وفي السنه التالته اتقدم لها عريس رغم رفض ابوها انها تتجوز الا بعد ما تخلص الجامعه بس انا اللي اقنعته ان فتره الخطوبه تكون سنتين الجامعه واول ما تخلص يتجوزه وخصوصا انه دكتور ومعاه يفتح بيت ،العريس اتقدم عن طريق زميل باباها في الشغل وحصل القبول وتمت الخطوبه وذي اي اتنين مخطوبين بعد الخطوبه لازم يخرجوا سوا فخطيبها جه يخرجها

فانا وابوها قولنا لازم تاخد اختها الصغيره معاها فخطيبها رفض واحنا افتكرناه رفض عشان عايز ياخد راحته مع خطيبته في الخروج لكن لاقيناه بيقول انا مش مسؤول اصرف على اختها الصغيره قومت انا رفضت وابوها الصراحه معايا في كلامي وقبل مني كمان قال خلاص مفيش خروج ،بنتي اتأثرت شويه بس سكت,,ت ،لكن انا الموضوع فضل في دماغي اذا كان هو من

دلوقتي بيعمل كده امال بعدين حيعمل ايه ،وعدى الموضوع بعد كده لغايه ما اتفاجات ان بنتي وهي في الجامعه بتجيب النتيجه بتاعتها بتتصل بيه بتقولي الحقي يا ماما خطيبي جه الجامعه وفاجأني انه عرف النتيجه بتاعتي واني نجحت وهو عايز يعزمني بمناسبه النتيجه فانا وابوها قولنا ماشي اهو يوم ويفرفشوا فيه ،لكن الصدمه لما بنتي رجعت وبتحكيلي على اللي حصل ان كان معاهم ……

صاحبتها لانها كانت معاهم وقت ما خطيبها جه ولما عزم على الغدا عزم عليها كمان وأصر انها تكون مع بنتي انا استغربت ده انت عملت موال عشان اختها الصغيره دلوقتي الفلوس طلعت ذي الرز لما جه يزورنا زعقت وقولتله انت عملت كده ليه بص لبنتي وقالها انتي لحقتي تحكي لمامتك قولتله اشمعنا عملت كده قالي انا بشرف بنتك قدام صحبتها وهي عيب تبقى

موجوده ومعزمش عليها وهي وافقت والأصعب انه كان بيأكلها في بؤها وبيعزم عليها جامد بطريقه مبالغ فيها انا مش مرتاحه يا جماعه ياهوو يا ناس ياللي في صفحه أزواج لكن سعداء احكم على خطيب بنتي بايه وهل ده مينفعش نكمل معاه ده بيقول كلام لكن تصرفاته حاجه تانيه خالص بالله عليكم عشان منطولش في الخطوبه وتتحسب علينا