انا لسه عروسة جديدة
تاني يوم جوازي بستعمل خلاط المياه اللي ف المطبخ لقيته بيخر وفيه حاجات ف الحمام بتنقط جوزي قالي هقول لبابا عشان ابوه كان مع السباكين وهما بيوضبو الشىقه اما جه أبوه وامه يباركولي جوزي قال لابوه ع السباك قاله هكلمه يجي اما يكون فاضي وخدو قعدتهم حوالي خمس ساعات كل اللي يجي يبارك يقعد نص ساعه وينزلو وحمايه وحماتي قاعدين المهم مشيو
تاني يوم لقيت أذان الضهر بياذن قلت اقوم اشوف ورايا ايه لقيت صوت بره في الرسيبشن يبص من جنب الاوضه لقيت حمايه قاعد علي كنبه الانترنيه وماسك ريموت التليفزيون و\فارد رجله علي الكنبه كانه قاعد ع مصطبه صحيت جوزي بقوله ابوك بره والسباك واقف في المطبخ قالي ماشي هقوم قلتله ماشي ايه هو ابوك معاه مفتاح لشىقتنا قالي اه من ساعه ماكنا بنضوب قلتله وازي تسيبه لغايه دلوقتي معاه ده دخل اهو وفتح ومعاه السباك من غير ما نعرف
خرج جوزي سلم ع ابوه وانا لبىست الاسدال وخرجت لقيت حمايه بيقولي قدمي حاجه للسباك يشربها قلت له وحضرتك قال شويه ابقي اشرب فعلا قدمت والسباك مشي لقيت حمايه بيقول لجوزي عاوز افطر امك مشيت الصبح عند خالتك تقعد يومين وقالت لي عندك ابنك اقعد عنده علي اما ارجع طبعا اضىايقت جامد وحضرت الفطار ودخلت اوضتي لقيت جوزي بيقولي مش عارف اعمل ايه قلتله هي أمك مش عارفه اننا عرايس جداد عشان تمشي وتسيبلنا ابوك وكل حضرتها اما تلف في الشىقق ابوك هيقعد عندي وبعدين دول هما اسبوعين اجازه من شغلنا قلنا نقعد مع بعض اسبوع في بيتنا والاسبوع التاني اهلي حاجزين لنا ف شرم نتفسح قالي اصبري هتصرف عقبال ماتكلمنا خرجنا بره لقيت حمايه دخل اوضه الاطفال ونام وبعد العصر قام عشان يتغدي ونام تاني وبعد العشاء قام يتعشي
كل ده واما محىروق ذمي دخلنا نمنا يومين ع نفس النظام اما بقيت هتجنن ثالث يوم بعد الضهر لقيت حماتي جايه من عند اختها بعد ماتفسحت وجايه ع عندي بشنطه هىدومها سلمت علينا واتغدت معانا وهي قايمه بحسبهم ماشيين جوزي بيقولهم هنزل اوصلكم حماتي ضحكت بتقوله توصلنا فين انا داخله الاوضه اغير هدىومي وانام شويه
جوزي لسه بيبصلي روحت قلتلهم تنامي فين قالت لي ف اوضه الاطفال قمت اتفتحت فيهم زي الخىر<<اره قلتلها انتم مش عارفين اني عروسه جديده مفكرين نفسكم ابنكم اتجوزني عشان اخدمكم ما تروحي عند ابنك التاني ماهو ساكن جنبنا بس متقدروش مراته عملت معاكم حدود او روحي عند بنتك برضه متقدروش جايين هنا مفكرين انكم ف لوكانده خمس نجوم يلا ع بيتكم تيجو تزورونا اهلا وسهلا وتقولولي قبلها
عشان هننزل شغلنا غير كده مش هسىمح وهغير الكالون وقلت لحمايه ازي تدخل تفتح باب شىقتي عليه من غير استاذان هو الدين بيقول كده انا بقولكم اهو قدام ابنكم جوزي بصراحه سكت مردش قامت امه شىتمته بكلمه مش كويسه وابوه قاله يحرم علينا بيتك واما نموت مش هتمشي في حنازتنا انا هوصي اخواتك بكده المهم مشيو قلت لجوزي انا اسفه بس انت شايف دول حتي مش مهنيني ع اسبوع اتهني بيه قالي هبقي اراضيهم بس حاسه اني جوزي جواه زعلان سافرنا ورجعنا وكان اجمل اسبوع جوزي بيحاول يتصل بيهم مش بيردو عليه قلت له روحلهم اما راح طىردوه
انا اللي عملته كده صح ولا غلط
