اول يوم ليا
كل العيون اتحولت ناحيتي.
وسوسو همست وهي بتبصلي
استني لسه ما خلصناش.
أنا وقفت، وبهدوء رمىيت عليها آخر نظرة
أنا أصلاً ما بدأتش.
وطلعت من العنبر وسط صمت غريب صمت أول مرة يحصل في النساء كله الممرات كانت أضيق مما تخيّلت حديد على اليمين، حديد على الشمال، وصوت خطواتي بيتكرر كأنه بيختبر ثباتي.
الظابط ماكانش بيبصلي. كأنه واخد قرار مسبق عني.
بس أنا كنت سامعة حاجة تانية ورا ظهري.
همسات. مش من العنبر من كل العنابر القريبة.
دي اللي وقفت قدام سوسو؟ دي الجديدة اللي ما عيطتش؟ شكلها مش طبيعية
ابتسامة خفيفة ظهرت على طرف وشي من غير ما أقصد.
لحد ما وصلنا مكتب الإدارة.
الباب اتفتح، وأنا دخلت.
المكتب كان مختلف عن جو أهدى، أنضف، بس الخطر فيه مش ظاهر هو مخبّي.
الضابط المسؤول كان قاعد وبيقلب في ورق، وبصلي من فوق نظارته
اسمك
إيه؟
زي ما مكتوب في الملف.
بص في الورق، وبعدين رفع عينه بسرعة
نورا متهمة في قضية توزيع.
سكت لحظة، كأنه مستني رد فعل.
بس أنا ما ادّيتش أي رد فعل.
هو كمل
أول يوم ليكي وبدأتي مشكلة مع سوسو الحديدية؟
رديت بهدوء
أنا ما بدأتش مشكلة هي اللي بدأت اختبار.
اتسند لورا في الكرسي
وإنتِ نجحتي؟
سؤال فخ.
بصيت له مباشرة
