هو إيه اللي بيحصل في المغـرب ؟!
من يومين تلاتة كدا يا صديقي طلعت حركة شبابية سمّـت نفسها ” جيـل Z 212 “ طيب يعني ايه التسمية دي ؟! يعني ايه ” Z ” ؟! ويعني ايه “ 212 “ ؟! هقولك ببساطة يا صديقي الجيل Z هو الجيل اللي اتولد تقريبا من سنة ١٩٩٥ ولحد ٢٠١٠ ، يعني اكبرهم عنده ٣٠ سنة واصغرهم ١٥ سنة ..
وهو الجيل الرقمي او الاليكتروني اللي اتولد في بداية صعود الانترنت والاتصالات والكمبيوترز وكدا .. اللي بعد جيلنا يعني اللي هو كنا اخرنا العجلة والكورة !
طيب و ايه الرقم 212 دا ؟!
هقولك 212 هو الدليل المفتاحي الخاص بدولة المغرب .. يعني لما تتصل بالمغرب بيكون اول ارقام الاتصال هي الارقام 212، فـ اختيار الرقم دا يدل على القومية او الوطنية بالنسبة للحركة دي .. بمعنى أصح الاحتجاجات عاوزة توضح انها قومية وطنية وليس بها اي حركات أو رموز اجنبية !
المهم يا صديقي ان الحركة الشبابية ” Gen Z 212 “ اتفقوا عبر تطبيق ” ديسكورد ” على النزول في احىتجاجات سلمية .. الغريب بقى ان الحركة دي بالفعل انضم ليها الآلاف في وقت قصير جدًا
وفي الاول الموضوع بدأ بالشباب من جيل Z لكن بعد كدا انضم ليهم اشخاص كتير كبار في السن وبالفعل نزلوا الشوارع في مدن مغربية كتير جدًا ..
البداية التظىاهرات كانت سلمية بالفعل .. مجرد شباب دعوا لحركة احىتجاجية ضد التعليم السيء على حد وصفهم طبعًا .. وازدياد البطـ.ـالة وتدني الخدمات في المستشفيات الحكومية وقلة الكوادر الطبية
وخاصة بعد وفــ,,ـــــاه 8 سيدات في شهر واحد بأخىطاء طبية غير مبررة أثناء الولادة .. في مدينة أغادير ..
وقالوا ان الدولة بتهتم ببناء الاستادات اكتر من اهتمامها ببناء المدارس والمستشفيات والمنشآت الاساسية
وكان من هتافاتهم ( مش عاوزين كأس العالم عاوزين مستشفيات ومدارس ) فيما معناه بالمصري يعني ????
ودا لان الفترة الاخيرة المغرب ابتدت تصرف كتير بالفعل على كرة القدم ..
المهم ان من البداية الامن كان رافض التظاهرات دي وهىدد من البداية ان مهما كانت التظاهرات سلمية او غير سلمية فالامن هيستخدم كل الطرق لتفريق التظاهرات دي وقال ان دا لحفظ وحماية الامن العام والملك ..
وبدأت فعلًا تحركات الامن تسبق خطوات المتظاهرين .. بدأت قوات الامن في مدينة الرباط تغلق المنافذ المؤدية للبرلمان، ومنعوا المحتجين من التجمهر والتظاهر في اي مكان بمحيط مدينة الرباط .. واللي تخطى تعليمات الامن واتظاهر تم القبــ,,ـــــض عليه بالفعل،
ونفس الكلام في مدينة طنجة بردو الامن فرّق المتظاهرين وقبــ,,ـــــض على كتير منهم ..
ونفس الكلام دا تكرر في مدن كتير كبيرة منها مراكش والدار البيضاء .. المحتجين كلهم كانوا رافعين لافتات لاصلاح التعليم وبيعرضوا شهاداتهم الجامعية للبيع .. وطالبوا بإنقاذ المستشفيات الحكومية من وضعها المتردي بسبب نقص الكادر الطبي والتجهيزات .
وبردو وزارة الداخلية قبــ,,ـــــضت على كتير منهم وفرقت الباقي بدعوى ” حماية النظام العام ” وكان بعض الاعتفالات دي مىثيرة للجىدل لان كان منها القبــ,,ـــــض على اطفـ.ـال تقريبًا في عمر ١٥ سنة واصغر وعلى اهاليهم .. فكل دا عمل احتىقان كبير اعلاميًا !
بعد مرور يومين على الكر والفر دا الأمن المغربي اتصدم ان الأعداد بتزيد مش بتقل بدافع الخوف من الاعتفـ.ـال وفي حركات تانية انضمّت او على الاقل نددت بالاعتفـ.ـالات
يعني مثلًا جماهير الوداد المغربي في مباراة امبارح كانت بتردد هتافات لمساندة الاحتجاجات والمطالبة بالقىضاء على الفىساد ..
وهنا الامن بدل ما يتدارك الموقف عمل العكس تمامًا وبدأ يصعّـد من حدة الحلول الأمنية ويعزز قوات الامن في الشوارع ويزوّد من الاعتقـ.ـالات وتفريق التظاهرات بالقوة .. وحصل امبارح بعض حالات الدهـ.ـس للمتظاهرين تحت عجلات سيارات الأمن
ودا أدى لاصىابة حوالي ٣٩ شخص بإصابـ.ـات ما بين خفـ.ـيفة إلى خطـ.ـيرة .. ومنهم شخص اضطروا لبتـ.ـر قدمه للاسف ..
لكن الحكومة كانت اكثر وعيًا بشوية صغيرين يعني .. وطلعت بيان بإنها مستعدة للتفاوض ومخاطبة الفئة المحتجة وعمل اصلاحات ملمىوسة، لكن بشرط ان الشعب يرجع للبيت وينهي الاحتجاجات والاعتصامات فورًا ..
لكن طبعًا الكلام المايع دا معجبش المتظاهرين فتحولت بعض التظاهرات الى غير سلمية ردًا على العنـ.ـف الصادر من قوات الأمن وبدأ بعض المتظاهرين يولّـ.ـعوا في سيارات الشرطة وبكدا الوضع تأزم
يعني العنــ,,ـــــف من قوات الامن قابله عنـ.ـف مضاد من المحتجين !
والأمور للاسف لا تبشر بخير ..
بإذن الله هتابع معاكم أول بأول لو في اي تطورات ..
وربنا يحفظ اخواتنا والشعب المغربي بالكامل وتتم الاصلاحات اللي ترضيهم ويتم منع حدوث اي خىىىـ.ـائر سواء من المتظاهرين أو من رجال الأمن
عينكم دائمًا على الحقيقة .. ” هالووين ” ????????
