انا متجوزة بقالي 6 سنين

في مرة ودي كانت
من أكتر اللحظات اللي جىرحتني قالي كده بالحرف
أنا ندمان إني اتجوزتك.
تخيلوا كلمة زي دي تيجي من بني آدم كنت شايفة فيه الأمان
قعدت أبصله مش مصدقة.
فضلت الكلمة دي بتلف في دماغي شهور بتوجىعني لحد دلوقتي.
ومن وقت ما خلفت بنتي الكبيرة وأنا حرفيا
طالعة من مرض لمرض.
مرة تعب في ظهري مرة معدتي مرة صداع مزمن مرة دوخة مرة ضعف مناعي.
عمري ما حسيت إني خفيت وارتحت دايما في حاجة بتبدأ بعدها.
واللي يقىهرني أكتر إن جوزي عمره ما حس بيا.
آه بياخدني للدكتور بيدفع تمن العلاج بس كده وبس.
مافيش سؤال أنتي عاملة إيه النهارده مافيش أنا جنبك مافيش حتى كلمة طيبة.
يعني قبل ما أخلف كان لو سمعني بكح يقلب الدنيا ولو صدعت شوية يجيبلي كمادات دلوقتي
حتى لما برجع ولا باتعب ألاقيه قاعد على موبايله كأني مش موجودة.
بقيت بحس إني لو وقعت ومت مش هيحس.

بس رغم كده عمري ما قصرت في بيتي.
كنت دايما بحاول أحافظ عليه أنضف أطبخ أذاكر للبنات أضحك قدامهم عشان ما يحسوش بحاجة.
كنت بضحك وأنا مكىسورة وبطبخ وأنا مصدعة وبغسل وأنا جسمي بيرتعىش.
امبارح قررت إني أغير شوية جو أحاول أكىسر الروتين.
قلت أبدأ بأوضتي فضيت كل حاجة منها ونقلت مكان الدولاب وغسلت السقف اللي ما مسحتهوش من يوم ما خلفت بنتي الكبيرة.
مش عشان حد يجي يقول لي آه أخيرا نظفت لأ لأني حابة أعمل حاجة تخليني أحس
إن في طاقة.
وأنا بنضف لقيت حاجة غريبة
لقيت صرة صغيرة مربوطة كويس ولما فتحتها لقيت جواها ٣ بلحات.

واحدة منهم كانت ملفوفة بكيس كأنها متكىىفنة والله العظيم.
اتخضيت وماعرفتش أتصرف.
ناديت على جوزي ووريتله اللي لقيته.
قلت له أنا عايزة نجيب شيخ يقرأ في البيت أنا مش مطمنة.
رد عليا وقال لي بلاش تفكير في الحاجات دي يمكن حد ناسيها.
بس أنا عارفة دي مش حاجة تتنسي كده. دي حاجة مش طبيعية وكل حاجة حواليا بتأكدلي كده.
من ساعتها وأنا مش مرتاحة. قلبي مش مطمن وبقيت كل يوم أبص ورايا كل تفصيلة بقيت أشك فيها.
بقيت أقوم مفىزوعة من النىوم وأحلم بكىوابيس وأحس إن في حاجة تقيلة على صىدري كأن في حد بيراقبني طول الوقت.
حتى بناتي
حسيت عليهم تغيرات. الكبيرة بقت تصحى مفىزوعة والصغيرة بقت بتعيط من غير سبب.
وكل يوم بيمر بحس إن البيت مش طبيعي كأنه مش نفس البيت اللي كنت بضحك فيه زمان.
ساعات بحس إن اللي بيحصلي كله مش صدفة.
يعني إزاي من بعد الولادة حياتي كلها تقلبت كده
إزاي جسمي بيتعب فجأة نفسيتي مش متزنة بيتي مفكك
مافيش سلام ولا راحة ولا حتى حىضن أطمن فيه.
كل حاجة كانت فيا انكىسرت حتة حتة
بس برضو مكملة.
مش عشانه ولا علشان الجواز بس علشان البنات علشان ما يطلعوش مكىسورين زي أمهم.
أنا مش بقول أكيد في س*حر ومش عايزة أتهم حد.
بس اللي شفته مش
طبيعي واللي عشته مايتحكاش.
أنا بس بحكي يمكن حد مر بنفس التجربة.
يمكن في حد شاف حاجة زي دي أو سمع عنها.
يمكن في تفسير تاني يمكن في حاجة أكبر مني بتحصل ومش فاهماها.
كل اللي بتمناه من اللي بيقرأ كلامي ده دعوة من القلب.
ادعولي
ادعولي ربنا يشفيني ويصلح بيني وبين جوزي ويريح قلبي.
ادعولي ألاقي في بيتي حىضن دافي وكلمة حلوة ونظرة حب.
ادعولي أرجع أضحك من قلبي من غير وجع من غير تمثيل من غير ما أكون بضحك عشان أخبي دموعي.
وأهم من ده كله
ادعولي أرجع ألاقي الراجل اللي كنت بحبه اللي كان بيخاف عليا اللي كنت بحس معاه بالأمان
مش الشخص اللي ندم إنه اتجوزني.