اللي اخت جوزي عملته في بنتي ميتصدقش
حماتي اتوفت واختي جوزي الكبيره
جت قعدت في شــ,قه امها عشان كانت في شقه ايجار من يوم ما جت في البيت عامله كبيره العيله مع ان امها الله يرحمها عمرها ماتحشرت في حاجه وكانت ونعم الناس الطيبه الحنينه علينا كلنا بصراحه زعلنا عليها اوي اما انت جوزي اما جت حاولت تخلي كل البيت حله واحده عندها عشان تعيش علي
قفانا مع ان جوزها ميسور الحال وحالتهم كويسه جدا بس معرفتش كلنا رفضنا وهي بيجيلها فلوس ورث حمايه الله يرحمه كل شهر من بيت تاني ماجريته ايجار جديد واللي ماسك الموضوع جوزي اللي بيلمو بيقسمو عليهم بما يرضي الله من يومين بنتي رايحه المدرسه ودتها قالت لي انا هجيبها وهي راجعه هريحك النهارده قلت لها ماشي المهم بنتي غابت عن ميعادها قلقت اتصلت علي اخت جوزي مردش بنتي في سنه رابعه ابتداثي
بعد كام ساعه بقيت هم*وت لقيت اخت
جوزي بتتصل بيه قلت لها انتم فين وبنتي فين قالت لي عاملت لك مفاجأه
بس متقلقيش طبعا اطمنت ان بنتي معاها وكويسه ع غابو لبعد العشاء لقيت اخت جوزي بتتصل تقولي انزلي تحت هي في أول بلكونه نزلت جري بس قلبي كان قلقان قلت لها بنتي فين قالت لي جوه في الاوضه دخلت لقيت بنتي نايمه نومه سوده بتعيط وتصوت اكتشفت انها خدتها عملت لها ختان من ورانا مع اننا قلنا لها قبل كده مبقاش فيه ختان خدت بنتي في حضني بقيت بصوت واقولها ازي تعملي في البنت كده من ورانا تقولي كل بناتي عملت لهم ختان ايه المشكله اتصلت ع جوزي قلت له جه من شغله جري بقي يزعق لاخته
وخدت البنت علي شقــ,تي قلت له كده
الموضوع خلص قالي هعمل ايه اللي حصل حصل قلت له انا مش هسكت
تاني يوم روحت القسم عملت بلاغ في اخت جوزي وكان معايه الروشته بتاعه الدكتور عملت فيه بلاغ انه بيعمل العمليات ده ورجعت بعد ساعه جم خدو اخت جوزي واتصلت بجوزي
واما رجع فضل يزعق لي اني عملت كده
ومشي وعرفت منه في التليفون ان الشرطه خدت الدكتور اما رجع عاوزني
اتنازل قلت ابدا لازم تنادب وسألت اخواتها وسلايفي اللي معايه في البيت ترضو تعمل كده في أولادكم كلهم قالو لا طبعا ومغلطنها جوزي قالي تبقي طالق لو معملتيش تنازل مع انه شايف بنته
تعبانه حدا قلت له مش هتنازل وندهت
لاهلي جم فضلو أبويه وامي يزعقو ازاي تعمل كده وتتحكم فينا كده وابويه زعق لجوزي انه عاوزني اتنازل قلهم اختي في مقام امي ازاي اسجــ,نها
ده وجهه نظره وقال بس اما تطلع ليه كلام معاها وعمري مهخليها تتحشر تاني في حياتنا بس ده كبيره واختي أبويه
وامي واخواتي اما سمعوه عاوزني
اتنازل وانا رافضه مش عارفه اعمل ابه
