حباية الغلة وامى
مروه
ما انا جايه يا حماتي عشان اخدك بنفسي ما هو مش معقوله اخليكي تيجي يعني لوحدك دي ماما عامله ليكي اكل انما ايه هتاكلي صوابعك وراااه
الحما
ما تعرفيش يا حبيبتي انا فرحت ازاي لما ابراهيم قال انك رجعتي طقم الحلل الرخيص اللي امك جابته ده وجبت طقم حلل غالي بس هو انت جبتي فرق الفلوس منين معلش بس انا عارفه ان ظروفكم علي قدكم شويه
مروه بتوتر
ها… ما هي ماما معاها فلوس بس هي بتحب تسترخص شويه بس اوعدك والله اني هجيب احلى جهاز يشرفكم، وماما مش هتقولي لا هي زي ما قولتلك يعني بخيله حبتين انتي حتي مش شايفه هي بتلبىس ايه ومش مهتمه بمظهرها خالص.
الحما
عارفه يا حبيبتي عارفه يلا بينا بقى لما نروح نشوف العزومه اللي امك عاملاها وبعدها…
_وبعد شويه لقيت هنيه بتخبط ولما فتحت دخات عندي علي طول وقالت بهدوء
هنيه
والنبي مش عايزاكي تزعلي من البنت مروه انا عارفه ان لسانها طويل والله بس قلبها حنين قوي وبتحبك جدا زي امها وانتي عارفه كده كويس
منيره
انتي مش مجبره انك تيجي تعتذري خالص وتتكلمي بالطريقه اللي انت بتتكلمي بيها دي يا هنيه وانا عارفه والله ان بنتك غلبانه بس مش عايزاها اللي هتكلمك بالاسلوب اللي هي بتكلمك بيه ده لازم تشدي عليها شويه
هنيه
ما هو انا هشد عليها البنت محىرومه من ابوها هيكون امها قىاسيه وابوها الله يرحمه انا عايزه اعوصها عن. غياابه عشان تفرح زي باقي البنات مش عايزاها تحس بأي نقص
هنيه
صدقيني مش صح اللي انتي بتعمليه ده انا مش بسىخنك على بنتك خالص والله بس بجد بنتك عايزه يتشد عليها شويه عشان مصلحتها عشان تعرف حدودها معاكي شويه
ردت عليا هنيه وهي مكسوفه وقالت
حاضر والله هبقي اشد عليها شويه،بصي يا منيره انا عارفه انظروفك صعبه انتي وجوزك اليومين دول يا منيره بس انا كنت محتاجه منك مبلغ كده اصل اللي منها لله عزمه حماتها عندنا على الغداء النهارده وانا بصراحه مش معايا اي فلوس خالص
منيره
ايه الكلام اللي انتي بتقوليه ده يا هنيه انا اختك يا حبيبتي ثواني هجيبلك الفلوس اللي انتي عايزاها…
_ وروحت فعلا تجيب ليها الفلوس وحماتي كانت قاااعده وقالتلها بسخريه…
الحما
والله يا حبيبتي انا اول مره اشوف ناس بتاكل حد بالسلف يا اختي مش قد العزومه ما تعزميش بلاش تعملي فيها جدعه قوي وتتفشخري انتي وبنتك
هنيه بأحراج
والله العظيم انا ما عزمت حد الله سامحها بقى مروه هي اللي دبستني في التدبيسه دي
الحما
اللي زي بنتك دي يا حبيبتي ما لهاش في الجواز خالص دي تاخديها معاكي السوق بتاعك وتخليها تقعد تبيع خيار وقوطه زي ما انتي ما بتعملي
هنيه بحزن
على العموم لما تخرج منيره قوليلها ان انا مش عايزه فلوس خلاص وانا هبقى اتصرف
_وقالت كلامها ومشيت وهي بتعيط وانا خرجت وقولت…
منيره
ايه ده يا حماتي هي هنيه راحت فين ما كانت واقفه هنا من شويه
الحما
الحمد لله يا حبيبتي وفرت الفلوس دخلي فلوس ابني جوه وبطلي اللي انتي بتعمليه ده مش مال ستيب هو ده شقي وتعب ابني اللي انتي عماله توزعي فيه كده للي يسوا وما يسوااااش
منيره
والله العظيم حىرام اللي انتي بتعمليه ده انت عارفه ومتاكده ان الست دي غلبانه جدا ومحتاجه لكل قرش كمان وغير كده دي ارمله يعني المفروض نقف جنبها يا حماتي
