اتقدملي عريس من مدة وأهلي كلهم كانوا موافقين
وطايرين من الفرحة لانه عريس كامل من مجاميعه حسب كلامهم. شكله كويس. و شغال مهندس ولكن في بلد خارجي مش متذكرة فين بالظبط عشان مركزتش في النقطة دي. طلب إنه يقعد معايا عشان نشو..ف هنكون متفاهمين ولا لا. اليوم ده امي صحتني بدري اوي عشان نروق الشىقة و نظبطها وكأنه هيعيش معانا في الشىقة مثلا يعني لكنها بتقول لو شاف إن الشىقة مش نضيفة هيقول إحنا كمان مش نضاف .
قعدنا نروق ونظبط في الشىقة وكل ركن فيها حتى اوضتي اللي عمره ما هيدخلها يعني.
والضهر نزلنا جبنا طلبات للغداء عشان طبعا هو مش هييجي يقعد بس يعني اكيد لازم يأكل.
حضرنا الأكل وكله تمام.
وبعدها امي طلبت مني ادخل اوضتى اخد دش واغير هىدومى وصممت احط مكياج عشان ابان حلوة قدامه
المهم عملت كل ده عشان مزعلهاش مني.
علي الساعة خمسة المغرب العريس جه وكان معاه مامته بس ودي كانت اول مرة اشو..فه فيها بصراحه كان زي القمر وشكله هادي وبيتكلم برزانة وعقل كبير. وكان شيك أوي في لبىسه كمان حمدت ربنا إني سمعت كلام ماما واهتميت بنفسي .
اول ما دخل قعد مع بابا في الريسبشن وانا دخلت المطبخ مع ماما عشان نحضر الأكل حضرناه بسرعة وخرجنا حطيناه على السفرة وقعدنا كلنا علشان ناكل وهو كان بيسر.ق نظرات خفيفة كده من تحت لتحت ليا لاحظت ده لان أنا كمان كنت بعمل كده برضه ولما عنينا اتلاقت اكتر من مرة ابتسمت ڠصب عني وهو كمان خرجت منه ضحكه من غير ما يقصد ولما مامته سالته فيه إيه.
قلها مفيش حاجه بس افتكرت الايام اللي كنت باكل فيها لوحدي كتير . رد بابا عليه وقله.
وانت بقي باشمهندس
محمود كنت مسافر فين
حمدت ربنا إن ابويا سأل السؤال اللي كنت ھمـ,ـوت واسأله.
رد علي بابا.
كنت في بلد افريقيا اسمها تنزانيا لو تسمع عنها.
ردت ماما وهي مخضۏضة .
وايه يابني اللي حدفك الحدفة البعيدة دي أنا أسمع كمان إن البلاد دي بتبقى حر اوى وعشيتها صعبة
حر ورطوبة وضغط مرتفع وأمراض وحاجات كتير اوي والله ياطنط بس نعمل ايه بقي أكل العيش وبصراحه يعني كنت باخد مرتب كويس اوي عمري ما هاخده هنا.
سأله بابا من تاني.
وانت ناوي ترجع تاني امتي
لا لسه قدامى كتير علي ما ارجع يا عمي في مهمة صعبة لازم اخلصها قبل ما اقدر اسافر تاني.
رد بابا باستغراب!
