كان في ست متجوزة ومخلفه

كان فيه ست متجوزة و مخلفة و فجأة اعتز-لت أولادها وزوجها تماما ، بتعملهم أكل و شرب فقط لكن لا بتكلمهم و لا بتتعامل معاهم و لا بتقعد معاهم و الوضع كان صعب جدا استمر 16 سنة و هيا عايشة دنيتها مع نفسها و بعدين عرفت أن فيه دار تحفيظ قرآن و دروس دينية ..، بقت تروح و تواظب علي سماع الدروس الدينية

و في مرة كان موضوع الدرس عن “الصدقة و الإنفاق “و في نهاية الدرس كل واحدة حطت اللي معاها كصدقة لله ..، و هي عندها عُقد غالي جدا عليها كان جايلها هدية كله دهب ٢٤ و فصوص ألماظ مش بتقل/عه أبداً من رقبتها ، و بدون مقدمات راحت قل/عت العقد بتاعها و حطته للمُعلمة اللي بتعطي لهم دروس دينية ..،

المُعلمة بتاعتها قالتلها لا بلاش ده ده غالي جدا ، و الست قالتلها طلع من ذمتي لله و مش هرجع هو اه غالي عليا بس طلع لوجه الله .

قبل ما يبيعوا العقد الشيخ قالها ده غالي ليه أخدتيه منها قالتله حاولت هيا رفضت تماما .. ف قالها ده مش هينفع يتباع كده ف أخده عند جواهرجي عشان يفك الفصوص عن الدهب و كل حاجة تتباع لوحدها و هنا كانت المفاجأة.. ، العُقد كان مجدول بضوافر و شعر و معمول عليهم سح-ر أسود بالأذ-ي و الض-يق و بلاوي و العياذ بالله و سبحان الله كل ده ماكانش هيتعرف إلا بفك العقد ..

بعد يومين رجعت الست تداوم علي الدرس الديني أول ما دخلت قالت للمُعلمة رغم أن العقد ده غالي عندي جدا جدا لأنه هدية من أقرب الناس ليا صحبتي و أختي و عشرة عمري إلا إنه عشان طلع لوجه الله حياتي كلها اتغيرت ١٨٠ درجة حياتي هديت مع جوزي و أولادي وكأن ال ١٦ سنة اللي فاتوا دول اتمسحوا و بقت حياتي مستقرة جدا

المُعلمة قالت للست انتي عارفة العقد ده كان فيه إيه ؟! و عرفتها بموضوع الســ,حر الست انهار.ت جدا لانه دي أقرب اصحابها ليها

العبرة :

أن مكر الله أقوى من مكر البشر مهما طالت المدة ، فالله سبحانه و تعالي خير الماكرين ، و ربنا احتفظ ل نفسه بالإذن في الضرر مهما بلغت قوة الس-حر ربنا اكبر وماهم بضارين به من احد إلا بإذن الله

و الاهم لن تنالوا البر حتي تنفقوا مما تحبون ..، و حسبي الله ونعم الوكيل ف كل المؤذيين ..،يا ريت نحصن نفسنا بتشغيل الرقية الشرعية في بيوتنا و المحافظة علي أذكار الصباح و المساء و لا نمل من الدعاء